كنيستنا مش ام وحيده...............

    شاطر
    avatar
    anasemon
    Admin
    Admin

    المساهمات : 1992
    التسجيل : 27/09/2009

    default كنيستنا مش ام وحيده...............

    مُساهمة من طرف anasemon في الأحد 23 أكتوبر 2011 - 21:28



    كنيستنا مش ام وحيده...دى ليها ابناء ابطال شجعان
    ابن شهيد وبنت شهيده...كانت موتهم مش خوف ده ايمان
    من امراء وملوك هتلاقى...والفقره واغنيه كمان
    كانو بيبصو لمجد سمائى...مش عرش وملك وسلطان
    عرضو عليهم مجد كبيييير...بس يبخروا للاوثان
    ... والفقير راح يبقى امير...احكى واوعى تخاف يا زمان
    رفضو جدودنا ما خافو من موتهم...اتحملو اصعب عذابات
    قطعو لسانهم علشان صوتهم...بس القلب رافع صلوات
    ناس يامه خرجو ويامه بينادو...مسيحيين وبأعلى الصوت
    واللى لسانه مقطوع بصلاته...مش خايفين حتى من الموت
    موتو حرقو كتير اجساد...بس الروح ما قدرو عليها
    وشهيد زايد يا عداد...رايح لسماه مشتاق ليها
    واللى ينادى على سياف...انهى بسرعه حياة ارضيه
    دمه بحر وموته مجداف...مشتاق يحيا حياة ابديه
    سجنو وجلدو وشوا اجسادهم...قطعوها بالهمبازين
    يصرخو ااه تسبق اصواتهم...احنا هنفضل مسيحيين
    واللى ضحى بماله ورمااه...وداس عليه بالاقدام
    يرموه لاسود وهو شاه...مخافش..قلبه كله سلام
    حرقو ودمرو قرى بحالها...بس فازت وعندى دليل
    اصل بحرقها نالت سؤالها...نالت فوق فى السما اكاليل
    احكى يا تاريخ عن مارمينا...عن جرجس وفلوباتير
    عن دميانه وعن مارينا...وعن غيرهم يامه شهدا كتييييير
    اوعى تخاف احكى ورجع...ازاى كانو شهداء شجعان
    يلا على صوتك سمع...واكشف...يلا ضعف الشيطان
    شيطان بيقسى على اولاده...مش عارف يعمل معاهم ايه
    اتعذبو يامه ويامه ماتو...جرب كل سلاح فى ايديه
    وفى اخر القصهرجع مهزوم...بعد عصر استشهاد طويل
    ماتو كل اهل سدوم...ولوط بقى ليه فى السما اكاليل
    اصله عرف ان دى مش ارضه...وانه مالهوش مكان فيها
    ومهما كانت الناس بتضايقه...الام هينال فوق مجد عليها
    لو كان حتى العالم ضده...ضد العالم هو يكون
    متمسك بعقيدته ورأيه...ميخافش من موت وسجون
    مش انسان ولا سلطان سنده...لالالالا..ده اله فى السما حنون
    ومهما كانت الناس بتعنده واثق انه فى قلب يصون
    واثق ان الامه المره..متتقس بمجد عظيم
    هياخد ضعفها مليون مره...فوق فى مدينه اورشليم
    وتبقى انتهت بينا الحكايه...بعد عذاب وليل طوييييل
    بيبقى الموت ليها بدايه...لحياه ابديه مليانه تهليل
    لحياة ابديه...ما ليها مثيل

    [/size]




    avatar
    angel
    صوت قبطي حر
    صوت قبطي حر

    انثى
    المساهمات : 2260
    التسجيل : 27/10/2010

    default رد: كنيستنا مش ام وحيده...............

    مُساهمة من طرف angel في الأحد 23 أكتوبر 2011 - 22:58


      الوقت/التاريخ الآن هو الخميس 23 مارس 2017 - 9:16