الفقير عايش والغنى عايش

    شاطر
    avatar
    خادم غلبان
    قبطي جديد
    قبطي جديد

    ذكر
    المساهمات : 8
    التسجيل : 09/03/2011

    default الفقير عايش والغنى عايش

    مُساهمة من طرف خادم غلبان في الإثنين 14 مارس 2011 - 14:37

    الفقير عايش والغنى عايش ياترى مين هيوصل لربنا بقلبة .
    هنتكلم يا احبائى النهاردة عن شخصيتين فى غاية الروعة ، اول شخصية هو عم جرجس وهو راجل طيب خالص وغلبان وبيشتغل نجار وعندة ولد وحيد اسمة يوسف وزوجة عم جرجس ست طيبة خالص اسمها فرحانة وفرحانة دى كانت بتشكر ربنا على طول على كل شئ معاها او مش معاها فلوس تشكر ربنا وكان عم جرجس يشتغل طول النهار وكان يبدا يومة فى الصباح باكر جدا يقوم يلبس جلبيتة اللى لونها راح من كتر الغسيل فيها وينزل الكنيسة وهو ماشى يرتل ويصلى لربنا ويحط اخر فلوس فى جيبة فى صندوق الكنيسة وميفكرشى فى اليوم هيمشى ازاى ولا هيعمل اية بيسلم حياتة من اول ما يصحى لحد ما ينام فى ايد ربنا بطريقة عجيبة وفى يوم وهو شغال وبيرتل تراتيلة الحلوة جالة واحد غلبان وطلب منة ان يعطية اى شئ راح عم جرجس وقالة اقعد هنا ياابويا جنبى واقعدة عم جرجس جانبة وجاب رغيف وقطعة جبنة ودة كان اكل عم جرجس بس اعطاة للراجل الغلبان وفضل الراجل الغلبان يدعى لعم جرجس وهو بيتكلم معاها عم جرجس بيبص على رجلين الراجل ملقهوش راس اى شئ فى رجلة ورجلة ملايانة تراب ومتعورة راح عم جرجس وقالة يا ابويا رجليك متعورين وبتجيب دم ازاى مش واخد بالك منها استنى اجيب اى حاجة اعملهالك راح الراجل قالة استنى انا عايزك يا جرجس انا عايز اتكلم معاك قال عم جرجس يا ابويا رجلك متعورة استنى اجيب حاجة واجيلك راح جابلة ماء وغسل رجلة وربطها فرح الراجل الغلبان وابتسم ابتسامة يقول عنها عم جرجس ابتسامة كلها فرح وراحة وقال لعم جرجس يا جرجس مبارك انت واهل بيتك فى البركة تكون عايش وبالنعمة تتملى حياتك راح عم جرجس مسك ايد الراجل عشان يشكرة راح لقى فى دم نازل من ايدة وبص على رجلة لقى مكان ثققبين فرح وعرف عم جرجس انه الراجل الغلبان دة السيد المسيح له كل المجد ومكان الثفبين اللى فى رجلة مكان المسامير والدم اللى فى ايدة مكان المسامير واتملى عم جرجس فرح عجيب وبكى وبقى يخبط كف على كف ويقول انا يارب انت تجيلى انا يارب دة انا غلبان مستهلشى يارب انا تراب وبقى يبكى لحد ما راح البيت ولقى مراتة فرحانة زى اسمها وقالها اسكتى يفرحانة انا حصلى شئ عجيب النهاردة اسكت انت يجرجس دة انا عايزة احكيلك قالها احكى قالها شفت ياجرجس ربنا عمرة ما ينسى حد ابدا وقالها خير خير يا فرحانة شفت يا جرجس الست العدرا قلبها حنين اوى يا جرجس جابت ليا اكل ولبس اللى كنت عايزاة ومكنتش عايزة اقولك علية يا جرجس اللبس دة كنت محتاجاة اوى يا جرجس وهو قالها شفتى يا فرحانة اللى حصل معايا النهاردة قالتله قول قول هحكيلك وهكلها على اللى حصل راح وقفوا يصلوا ويشكروا ربنا على البركة العظيمة دى ومرت الايام والسنين واصبح الثمرة بتاعتهم اللى هو ابنهم يوسف راهب متوحد فى الدير وعاشوا حياتهم فى بركة وشكر وسلام . ( الغنى بيعيش والفقير بيعيش ) .
    عائلة مراد بيك مراد بيك كان راجل غنى وكل تفكيرة انة يجمع المال باى شكل وكان بيزعل منة ناس كتييير وكان ناسى حياتة مع ربنا خالص ومسيحى بالاسم مع انة على اول شارعة كان فى كنيسة وكان بيروح الشركة وبيتعامل مع الموظفين بكل قسوة ونرفزة وكان عندة شقة كبيرة وعربية جديدة وكلن يروح البيت كل تفكيرة فى الشغل والمال والمكسب والخسارة وفى يوم تعب مكنشى بيقدر ينزل رجلة من على السرير راحوا جبوله اب كاهن جاله الكاهن فى البيت وفضل الكاهن يكلمة على ربنا وقالة يا ابونا ربنا دة انا نسيتة خالص من حياتى من كتر ما مشغول فى الشغل مكنتشى بفكر فيه خالص ولا حتى افكر ادخل باب الكنيسة ولا كنت اهتم انى اتناول او اروح القداس وبعدين اعتراف وراح اتناول ورجع لربنا وبقى ياخد من وقتة وفلوسة للخدمة وعايش حياتة بتوبه مع ربنا . ( الغنى عايش والفقبر عايش ) .
    هذة القصة من خيالى وفكرى ولا تمس اى حد من هذة الاسماء والشخصيات


    خادم غلبان
    avatar
    anasemon
    Admin
    Admin

    المساهمات : 1992
    التسجيل : 27/09/2009

    default رد: الفقير عايش والغنى عايش

    مُساهمة من طرف anasemon في الإثنين 14 مارس 2011 - 15:56

    قصه جميله ربنا يباركك غنىولا فقير المهم علاقتنا ايه برب المجد الذى يسد كل احتياجتنا الروحيه
    لوفلوس الدنيا معانا وروحك قلقانه
    مش هنحس بقيمه
    الفلوس

    المهم راحه البال زى مابيقولوا فى الامثال وصدقنى مفيش راحه بال طول مارب المجد خارج حياتنا شكرا اخونا ربنا يبارك خدمتك وحياتك




    avatar
    angel
    صوت قبطي حر
    صوت قبطي حر

    انثى
    المساهمات : 2260
    التسجيل : 27/10/2010

    default رد: الفقير عايش والغنى عايش

    مُساهمة من طرف angel في الإثنين 14 مارس 2011 - 21:41

    جميل جدااااااا
    avatar
    خادم غلبان
    قبطي جديد
    قبطي جديد

    ذكر
    المساهمات : 8
    التسجيل : 09/03/2011

    default رد: الفقير عايش والغنى عايش

    مُساهمة من طرف خادم غلبان في الإثنين 14 مارس 2011 - 23:51

    فرحان برد

      الوقت/التاريخ الآن هو الجمعة 24 نوفمبر 2017 - 19:37